ألوان من الزمن
راشق لى ف الطريق صوته
وف سكوتى بازيح موته
دا لون الحزن ملازمنى
وبانتر اسمه من صدرى
يحايلنى
يغير لونه ويجينى
يفجر فيا غابة دمع
ألاقى
روحه فى صوتى
بفرهد قلبى ويمله
ويرعش جسمى من مله
يحيرنى
ويجرش منى أيامى
يعاندنى . يراودنى
يغرقنى ف بحور حضنه
ألاقى الليل بيجرفنى
وينقش فيا أناته
أتوه منه
وأعافر حتى شوق ضله
وأصبر لما للآخر
مالاقى عنده فيه آخر
يسهينى
ويتسرسب لجوايا
ويسقط منى فى دمى
يكون كلى
يكون خلى
ليست هناك تعليقات:
إرسال تعليق