الصــومال
هز الهوا الستاير
نبشت ف ذكرياتى
رجعت تانى طفلة
مكتوب على جبينها
فى ذله وانكسار
حروف حزن الزمن
جوه الصومال لقيتنى
ف خيمة لانهيار
غرقانة ف العرق
وناس بتسف رمله
وناس تاكل ف طين
وشفت البؤس دايما
ف وشوش الشقيانين
خطوط دايما بتصرخ
من أفعال السنين
آهات بتفور وتعلا
فى دوامة الحياة
ومعفرة العيون
من سكة السفر
وطول الانتظار
يا أصحاب السيادة
يا أصحاب المعالى
الغول فارد ضوافره
ومقفل الطريق
والموت بكاسه داير
يا صومال المسلمين
نشكى ونقول يا مين
مين اللى يمد أيده
من جيش المسلمين
"عطشان يا صبايا"
عطشان يا مصريين
عطشان والنيل متعكر
"ف بلدنا مليان طين"
(القصيدة الفائزة فى مؤتمر
النبع الخالد بيرم التونسي إبريل عام 1992م)
ليست هناك تعليقات:
إرسال تعليق