إلى أستاذي العزيز
يا سيدى
لما جيت وقلت لك
انقذنى من ليل الغرق
الشوق هازمنى والقلق
حتى سراير غربتى
بتنسرق
سقطت عروق نبض الوطن
والكلام الدنيوى
ياللى ملامحك
هى. هى نورانيه
كل الحضارات مذهبك
قلبك الفضفاض
دا بيلم التعب
يبقى لنا بستان للدوا
يا سيدى
سلمت ليك الأسلحة
لجل مالقى دليل حريتى
نزعت ستر الزيف
من دنيتى
وياه كمان جمر الجوى
كبرتنى.
علمتنى الطيران بقيت
عفوره بتناجى القمر
تسكن ف حضن العلم
تتعلم
تطير ف أسواق البشر
من غير خطر
علمتنى ازاى
حقيقتى المطلقة
إيه الصواب
فين الخطأ
علمتنى لحظة جنونى
ألقى الحكم
علمتنى من مركبى
أطرد أنا مستعمرى
علمتنى أن الشجاعة مولدى
وازاى
أوجه خطوتى
يبقى الرضا طول المدى
علمتنى أن قصايدى
دنيتى
بس المهم
تكون قضايا
ف كل ما يهم البشر
يا سيدى يا معلمى
ليك أنحنى
ليست هناك تعليقات:
إرسال تعليق