ازاي يغني الخوف
نغمة حضور الحزن
دايرة ف الصدور
لما الرصاص
ودا الخلايق للقبور
مات الشروق
اتبدلت كل المعانى بالوجع
ولوحة غروب ماليه الحيطان
بات الولد مهموم حزين
جواه بكى بطول الزمن
ازاى يغنى الخوف
وعيونه غايرة م الألم
فين الأمل
ضاعت رسوماته البريئة
وسطور حروف الأبجدية
وعلبة الألوان كمان
والكراسات
والبسمة لما تكون نديه
وغاب ضحك الولاد
حتى شبابيك الفرح متقفلة
والغم داير ع الشوارع
كل الصحف لون السواد
كاتبين وبالبونط العريض
اليوم حداد
الحلم ضاع
والغصن مال
والشجر راح واندفن
الكل صابه الانكسار
أطفال تنادى بصرخة
تدوى ف السما
والدم ينزف
م البكا
رجعوا للحضن نور حب الحياة
اللى أتسرق
واللى أنسرق من الوطن
ليست هناك تعليقات:
إرسال تعليق