صورة
وع الكورنيش
أنا والأفكار
قررنا نعيش
لحظات وحدينا
ولمحت
خطوات حنيه
ويا الفراشات
ويا أتنين
الكف بيحضن كف
والشوق ع الخضر أتلف
والشمس بتشرق ف كلامهم
ونافورة فرح ف أحلامهم
والقلب يحن
يتكن
وف عش العصافير
الحب بيحكى
الحب يقول
(أحبك)
والنظرات تتوهج
وتروح وترد
واللحظة التايهة عن العالم
محدودة ف أطارها الدافى
اللى بيشده لشعاع براق
متفرع
منها الأشواق
وبترقص
ع البساط المشتاق
ف بحار الحب
تتبحتر ألوان الطيف
فوق الكورنيش
ليست هناك تعليقات:
إرسال تعليق