أنيــــس
عيونك يا مصر شمس سحرانى
ونيل بيسرى ف وجدانى
سنابل فرح وحشانى
ومن أحزانى سرقانى
عيونك صدق ألحانى
وتعبيرى وألوانى
وجوا أمانها وخدانى
وحفظانى وكنانى
بطوق الحب حارسانى
وآسره ضل أجفانى
وحاضنة جروحى ضمانى
وع الفرحة معاهدانى
ولما أبعد دى فاكرانى
ووقت لقاها فهمانى
مع الأيام مآنسانى
وف الوحدة ملازمانى
عيونك موجه وأمانى
تعيد لى شبابى من تانى
عيونك نغمة ومعانى
بتعشقنى وتهوانى
عيونك شوق ما يعصانى
وقلب صبور ما يسلانى
وروح هايمة ما تنسانى
وحرف جرئ ما بيعانى
عيونك قصة وأغانى
عيونك كونى وريحانى
ليست هناك تعليقات:
إرسال تعليق