تنهـــيدة
أرجوك
يا ضى الكون
أرقينى بالبسملة
املانى حنيه
لفلفنى بعبايتك
ودارينى م الحية
دا الفرح غاب ياما
والتوهة دوامة
والقسوة بتموت
م الحرقة جوا الجوف
وخريف طواه الشوف
حريف ف ليل الخوف
أرجوك
يا ضى الكون
جز السنان جزه
هز البدن هزه
دمع اللى فات طاغى
قلبك ما بيلاغى
افهمنى لو مرة
ليه كلمتك مره
حرفك سهام اللوم
والضحكة صوت موهوم
حزنان ومتخاصم
أرجوك
يا ضى الكون
حصنى من عينهم
حتى وأنا بينهم
خلينى ف حمايتك
ارقينى بالبسملة
أملانى حنيه
ليست هناك تعليقات:
إرسال تعليق