يا مــدينتي
قلبى أنا
فين أترمى
عمرى بقى من غير أنا
فين جنتك
وذكرياتى ف لهفتك
بتغيرى ليه العادات
شريان حياتك كان أسد
ليه اتحسد
صمتك جلد
تاه الولد
عن الميلاد وعن البلد
بقى لون رمادى ف طلعتك
انطفى وياه قمر
صوت الكمان مبحوح سجين
والنيل حزين
الحب غارب
والنجم شاحب
خصلات شعوره بتتحرق
حضنك خلاص ما بقاش دفا
كل الصور من غير إطار
جوه المدينة
لحظات مريرة
يا مدينتي أنا
يا حلم ف قلوب البشر
أنا عايزة أشوفك
بتلمى خوفك
زى ما أتعودت أنا
ليست هناك تعليقات:
إرسال تعليق