من على السقالة
من ع السقالة
بيلف بعمره
ف رحاب المونة
ومبانى الخلق
ويقدم روحه
والرزق حلال
نايم ع الخيش
ولا ع الريش
دا عنده سيان
راضى بقليله
وف وسط مواجع
وعيال وهموم
وتملى دليله
الحمد لربه
ع اللقمة بمش
وما يرضى بغش
طموحاته قليلة
وغموس ع الأد
والصحة وستر الجيب
ولا عمره يكون ف الوش حكاية
فى الظهر حكاية
عاشق لحقيقة الآية
والقول الصادق
ويصون العرض
ويأدى الفرض
ف طلوع الفجر
ويغنى
لجل يهون يومه
وبسيط ف هدومه
إنما مفهومه
عالم وحكيم
والمولى الواحد
بالسر عليم
والمثل الأعلى
حكايات الجد
راجل ف الجد
ليست هناك تعليقات:
إرسال تعليق