لحظة ســـفر

لحظة ســـفر

قلمى..

ورقى..

عيونى..

شفايفى..

كونى..

كلامى .. سكاتى

بيسألوا ليه..

الشمعات بتدوب

والدمعات تتحجر..

والأحلام تتبحتر..

وضفاير حزنى المحلولة

ف قمر ليلى..

بتقول..

ليه الأحلام مرهونة

ف زقاق جوانى

ف حوارى العتمة.. لكن

فى صفحة رؤيا الواقع

من سطر الغربة..

فى صفحة (ص) ف مذكرتى

بتلاقى..

مع قلب كبير

بيلم حنان الدنيا

نبتدى رحلتنا

بعد ما نفرد شراعات مركبنا

أنا والفجر

والقلب الأخضر

ونسافر

بضمير عطشان للحب

علشان نتقابل

مع بكرة الجاى