أمنية ومحمد
الديك يدن..
يتاوب الفجر..
وبلال ع المدنة يكبر
وأقوم من نومى
أصحى حبايبى
أمنية ومحمد
ف دقايق نفطر
اللبن الدافى
والبيض والجبنة
وأسأل أمنية
حضرتى الشنطة
وأنت يا محمد
لميت كراريسك
يضحك..
الدنيا تنور
أصل محمد..
دايما بيتشاقا
أما أمنية
هادية وعارفة ازاى
تتصرف
لحظات
وأسمع خطاويهم
ف الشارع
رايحين مدارسهم
وأحاول أعمل حاجة
فى البيت
لكن
ف ثوانى
أكون ف الشارع
ألحق شغلى
وأنا فى الأتوبيس
أحلم..
أحلام وردية
أولادى .. بيتى .. قلبى
وأسرح ف حكاية قلبى وحبى
الديك يدن..
يتاوب الفجر
وبلال ع المدنة يكبر
ليست هناك تعليقات:
إرسال تعليق