البوم صور
بيفصل ما بيننا ضجيج المدينة
سفينة شبابنا بتنده علينا
نشبك أيدينا دا يومنا أتسرق
بيشرب ف آخر لحظة حياة
تجف ف شارعنا بحور المحبة
وكل الجرايد ما بين السطور..
بتشطب معانى الأمان اللى فينا
تطل النهاية..
ولغة الخريف تسيطر علينا
وكل المدينة
تقول استحالة
وتحضن فصولها ف حارة زمان
تسافر عيونا ف وسط الزحام
شموسنا المهاجرة تدور علينا
ف عمر انشطر
طفولة قلوبنا طواها الخطر
دا حتى جراب الحوار انقطع
شوارع كتيرة ف طريقها مسافرة
بتبهرها غربة سئيمة معافرة
ولما بتتعب ف صوت السكك
تعود باشتياقها ف ساعة عطش
تنادينا ذكرى تفتح قلوبنا
ف البوم صورنا وحارة زمان
ثمارها اللى طارح يضم الأحبة
ونجاتيف طبيعى
ف ألبوم حياتنا
بيرسم خطوط الزمن ع الغلاف
ليست هناك تعليقات:
إرسال تعليق